Голограмма дегеніміз – «біртұтас дене». Яғни ғалам – бүтін ағза деген сөз. Ж...

Голограмма дегеніміз – «біртұтас дене». Яғни ғалам – бүтін ағза деген сөз. Жер бетінде орын алған кез келген келеңсіздікке тіршілік атаулы пұшайман болады. Осы теорияны тұңғыш тапқаны үшін 1947 жылы Денис Гарборомға Нобель сыйлығының лауреаты атағы берілді.
(Джон Кехо)

Голограмма

Жалпақ ғаламның
тілер дұғасы тазалық,
Салтанат құрса,
сананың түсі ағарып.
Жалғыз жапырақ
жұлынса жердің бетінен,
Тітіркенеді...
Тұтас дүние
Қиянатына қабарып.

Обыр ғой адам...
ойлағаны тек өз басы,
Осы жайында оймақтай ғана ойлашы.
Қара жер қанға,
Қалалар күлге
Кететін бе еді айналып,
Көмектеспегенде
Көбелектер мен бөгелектердің көз жасы.