شىركىن…

I
قوڭىر كەشتە...
جاڭبىر توبەمنەن قۇيىپ،
سامال بەتىمنەن ءسۇيىپ.
قوزى جامىراعان قىراتتىڭ ءۇنىن
قوتارىپ قازانعا قۇيىپ،
ۋىز عىپ ۇرتتاپ
ىشسەم عوي، شىركىن.
II
جان دەرتىمنىڭ ساحارا ىستىعىنان
ءتورت مۇحيتتىڭ بۇرقىلداپ سۋى قايناپ،
ءتورت توڭىرەك
تۇگەل ورتەنىپ كەتەردەي
ءبىر الاپات اق ولەڭ جازسام دەيمىن
...شىركىن،
جازسام دەيمىن سونى
قىزىل قانىمنىڭ سوڭعى
تۇيىرشىگىمەن بوياپ.