باقۇلداسۋ

باقۇلداسۋ

I
تۋعان جەردى ساعىنباۋدىڭ ءدارىسى جوق ىشەتىن...
تۋعان جەرمەن قوشتاسۋدىڭ قاقپاسى بار تۇسەتىن...

II
ءومىر وسى...
ويلاپ كورسەم ءبىر سىزىق
كەتكىم كەلدى سول سىزىقتان مىڭ شىعىپ.
ءجۇز جىرتىلىپ كەتە بەردى، بولمادى
...سىلەكەيمەن جەلىمدەگەن تىرشىلىك.

III

...كەۋدەمە كوكۇيرەكتى قوندىرا الماي
ورتەندىم ءوز ۇنىمە جولىعا الماي.
بۋلىعىپ ءبىر قامىرىق كۇيگە ءتۇستىم
ىشەگى تاعىلماعان دومبىراداي.

ال، اجال كەلسە جەتىپ ارعىماعىم
مىنەم دە كۇرە جولدى شاڭ قىلامىن.
اھ دەرلىك بۇل فانيگە دانەڭەم جوق
...الدى-ارتى دۇنيەنىڭ بولدى ءمالىم...