← بارلىق ولەڭدەر
adirna
دەپ كەلدىم
«تار جول، تايعاق كەشۋمەن»
قازاعىم قايعى كوپ كوردىڭ،
شەرلەنىپ ءجۇردى جۇرەگىم
شەگىندە ءجۇرىپ شەت جەردىڭ.
الىستا ءجۇرىپ اڭسادىم،
اتا-جۇرتىم مەن سەنى،
ەلدىگىم – قازاق، ەرتەڭىم –
وتانىم، جۇرتىم دەپ كەلدىم.
جۇرەگىمدە قازاقى
ماحاببات بار تەك مەنىڭ،
شىرعالاڭ كەتكەن شىندىقتى
ەلەستەتسەم كەكتەندىم.
اباقتىدا جانشىلعان
الاشتىڭ مۇڭىن ارقالاپ،
ۇيقىدا جاتقان ۇلتىمدى
وياتايىن دەپ كەلدىم.
تاۋ جىعارلىق تەبىنمەن
قۇبىلاعا بەتتەدىم،
مەن ويتكەنى،
تۇركىلىك تۇبىمە تارتقان تەكتى ەدىم.
قاتەپتى قارا نار سىندى
قاراشا جۇگىن ارقالاپ،
تانىتايىن الەمگە
قازاعىمدى دەپ كەلدىم.
سەنسەڭ جۇرتىم، وسىلاي
سەنىم بەردىم، سەرت بەردىم،
وتانىمسىڭ، ۇيامسىڭ ،
قازاقستان تەك مەنىڭ.
ءتاڭىرىم تارتقان تامشىداي
قامشىداي عانا عۇمىردا،
ەل ءۇشىن جانىم ساداعا،
سەن ءۇشىن ولەم دەپ كەلدىم.
كەشىرگەي ءبىزدى، بابالار!
وزىمدە باردى سىيلاماي
وزگەگە جالىنعانىمدى-اي،
وتىرىك ءومىر وتكىزىپ
سايقالعا سالىنعانىمدى-اي.
كەشىرگەي ءبىزدى بابالار،
كەشىرگەي ءبىزدى، جەر-انا!
قازاق دەپ قىزار قانىمنىڭ
ينەگە باعىنعانىن-اي.
الىستان ەمەس دۇشپاننىڭ
قاسىڭنان تابىلعانىن-اي،
بەتتەمەستەي بەت قايتىپ
تاۋىمنىڭ شاعىلعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا!
ارالعا ەمەس باسىمنىڭ
اراققا اۋىرعانىن-اي.
جانارىم جاسقا مالىنىپ
بالاشا جىلاعانىمدى-اي،
قىبى ءبىر قانىپ جاۋىمنىڭ
شاتتانا قۋانعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا
اساۋدان اسىپ قۇلاماي
قۇسىققا قۇلاعانىمدى-اي.
ازاتتىق ءۇشىن قانىمنىڭ
قانشاما شاشىلعانىن-اي،
بەلدەسە تۇسەر ءساتىمنىڭ
بەلىنەن باسىلعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا،
اۋىرىپ ولمەي اجالدان
ارقانعا اسىلعانىمدى-اي.
قۇر سۇلدە قىلار كۇن كۇتكەن
كۇماندى كۇنشىلدەرىم-اي،
ادامزات ءۇشىن دالامنىڭ
قايمىعىپ كۇرسىنگەنىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا،
جۇرتىم دەپ سوعار جۇرەكتىڭ
قۇلقىن دەپ دۇرسىلدەۋىن-اي.
كەشىرگەي ءبىزدى، بابالار!..
قازاعىم قايعى كوپ كوردىڭ،
شەرلەنىپ ءجۇردى جۇرەگىم
شەگىندە ءجۇرىپ شەت جەردىڭ.
الىستا ءجۇرىپ اڭسادىم،
اتا-جۇرتىم مەن سەنى،
ەلدىگىم – قازاق، ەرتەڭىم –
وتانىم، جۇرتىم دەپ كەلدىم.
جۇرەگىمدە قازاقى
ماحاببات بار تەك مەنىڭ،
شىرعالاڭ كەتكەن شىندىقتى
ەلەستەتسەم كەكتەندىم.
اباقتىدا جانشىلعان
الاشتىڭ مۇڭىن ارقالاپ،
ۇيقىدا جاتقان ۇلتىمدى
وياتايىن دەپ كەلدىم.
تاۋ جىعارلىق تەبىنمەن
قۇبىلاعا بەتتەدىم،
مەن ويتكەنى،
تۇركىلىك تۇبىمە تارتقان تەكتى ەدىم.
قاتەپتى قارا نار سىندى
قاراشا جۇگىن ارقالاپ،
تانىتايىن الەمگە
قازاعىمدى دەپ كەلدىم.
سەنسەڭ جۇرتىم، وسىلاي
سەنىم بەردىم، سەرت بەردىم،
وتانىمسىڭ، ۇيامسىڭ ،
قازاقستان تەك مەنىڭ.
ءتاڭىرىم تارتقان تامشىداي
قامشىداي عانا عۇمىردا،
ەل ءۇشىن جانىم ساداعا،
سەن ءۇشىن ولەم دەپ كەلدىم.
كەشىرگەي ءبىزدى، بابالار!
وزىمدە باردى سىيلاماي
وزگەگە جالىنعانىمدى-اي،
وتىرىك ءومىر وتكىزىپ
سايقالعا سالىنعانىمدى-اي.
كەشىرگەي ءبىزدى بابالار،
كەشىرگەي ءبىزدى، جەر-انا!
قازاق دەپ قىزار قانىمنىڭ
ينەگە باعىنعانىن-اي.
الىستان ەمەس دۇشپاننىڭ
قاسىڭنان تابىلعانىن-اي،
بەتتەمەستەي بەت قايتىپ
تاۋىمنىڭ شاعىلعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا!
ارالعا ەمەس باسىمنىڭ
اراققا اۋىرعانىن-اي.
جانارىم جاسقا مالىنىپ
بالاشا جىلاعانىمدى-اي،
قىبى ءبىر قانىپ جاۋىمنىڭ
شاتتانا قۋانعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا
اساۋدان اسىپ قۇلاماي
قۇسىققا قۇلاعانىمدى-اي.
ازاتتىق ءۇشىن قانىمنىڭ
قانشاما شاشىلعانىن-اي،
بەلدەسە تۇسەر ءساتىمنىڭ
بەلىنەن باسىلعانىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا،
اۋىرىپ ولمەي اجالدان
ارقانعا اسىلعانىمدى-اي.
قۇر سۇلدە قىلار كۇن كۇتكەن
كۇماندى كۇنشىلدەرىم-اي،
ادامزات ءۇشىن دالامنىڭ
قايمىعىپ كۇرسىنگەنىن-اي.
كەشىرگەي ءبىزدى بابالار،
كەشىرگەي ءبىزدى، جەر-انا،
جۇرتىم دەپ سوعار جۇرەكتىڭ
قۇلقىن دەپ دۇرسىلدەۋىن-اي.
كەشىرگەي ءبىزدى، بابالار!..