شەجىرە

(ءمىرجاقىپ پەن حاقنازارعا)
قان-شەجىرە
تامىر تارتقان ماڭگىگە،
بىزدەگى قان –
سول اقپارات، سول مۇددە.
جەتى اتانىڭ العىسى مەن قارعىسى –
پەشەنەمىز –
تاعدىر دەگەن سول مىنە.

ۇرپاعىڭ مەن ۇلىسىڭدى ءسۇيۋىڭ –
وسى ەكەن عوي
ادامدىقتىڭ ءتۇيىنى.
ءوزىڭدى ويلاۋ –
وشكەندىگىڭ ومىردەن،
وزگەنى ويلاۋ –
كىسىلىكتىڭ بيىگى.

قان-توپىراق
قۇنارىندا تۇعىرىم،
تۇعىرىمنىڭ تازالىعى ۇلى ۇعىم.
وتكەن قازاق ومىرىمە
سالاۋات،
كەلمەك قازاق –
مەنىڭ جاڭا عۇمىرىم.

قان-شەجىرە
تامىر ءتىلى تەرەڭدى،
سودان الدىم
دەرەگىمدى، دەنەمدى.
قان دەگەن ول –
ۇرپاعىڭ مەن ۇلتىڭ عوي،
ۇرپاعىڭدى ورعا جىعىپ كور ەندى.

65