ابستراكسيا

ابستراكسيا
(نەمەسە ءتورتتاعاندار)

***
قارۋ تۇر قاسقايىپ...
ءتىل قاتىپ وتكەن شاق ىزىنەن.
اعارعان شاشتاردىڭ ازابىن وقىدىم
قانجاردىڭ قىلپىعان جۇزىنەن.

***
جارقىلى جانىڭدى قاق تىلگەن
عاشىقتىق – سول دەرتتىڭ جاراسى.
مەن بىلسەم، ەكەۋى تامىرلاس، تىم جاقىن
قىز بەنەن قىلىشتىڭ اراسى.

***
جۇپارى جانىڭدى ەرىتىپ
تاندىرعان ەستەن ءبىر...
ماحاببات بۇل ەندى شىڭىراۋ
نەمەسە ول كادىمگى...
سەمسەردىڭ جۇزىنە وسكەن گۇل.

***
قىركۇيەك...
قايتقان قۇس سورابى
مەنىڭ دە كەپ ەدى ۇمتىلعىم،
توستاققا تۇندىرىپ ۇسىندى قۇداشا
ءبىر جۇتىم اققۋدىڭ سۇڭقىلىن.

***
تۇنىمەن ءتۇس كوردىم
انامنىڭ داۋىسىن تانىدىم.
تاڭەرتەڭ سول ءتۇستىڭ...
كوزىمنەن كورپەگە توگىلگەن
تاۋىپ الدىم مامىعىن.