اقىن

اقىن
( س.تومانوۆقا)

ارامتاماقتار،
ادامسىماقتار،
باسىنان اسپاس كومەگى.
كوكىرەگىندە يمانى جوقتار
قۇداي بولعىسى كەلەدى.

ەسەكتەكتىلەر،
ناركەسكەن ءتوستى باسۋدى تىلەپ،
كوزىڭنەن اڭسار جاسىڭدى.
ايمامىق ارعا ساسىعىن يلەپ،
تابانعا تاپتار باسىڭدى.

يلانا بىلسەڭ،
يباسىز كەۋدەڭ،
قان مەنەن جىننىڭ ۇعىمى.
بىرەۋلەر ءۇشىن تىرشىلىك دەگەن –
ىشەك-قارىننىڭ شۇرىلى.

ولمەيسىڭ كانى،
ومىردەن العان،
كەبىننىڭ عانا ءتۇسى اپپاق.
جالعاننان جەرگە جوسيمىز ءالى
قۋ سۇيەگىمىزدى قۇشاقتاپ.

كەڭىردەك باردا،
كەرىس پەن ەگەس،
وتەرمىز ءوستىپ شاماسى.
تىرشىلىك ءۇشىن قىزىل توبەلەس
بەسىك پەن بەيىت اراسى.

كەلتە عۇمىرىڭ
جاسىن بوپ ءوتتى-اۋ،
سەن ەمەس ىندىن كۇيتتەگەن.
ەسىل ەرلەردىڭ ەسەسى كەتتى-اۋ،
ەكى اياعى بار يتتەردەن.

قانىڭدى شايقاپ،
قايعىڭدى العان،
ارىستان جالدى اقىن ەڭ.
تىرلىكتىڭ سوڭىن توپىراق قىلعان
دۇنيە-اي، نەتكەن عاپىل ەڭ.

قانىندا حالىق،
دەمىندە دالا،
ءبىز اقىن دەگەن اسىل ەك.
جالپاق جالعانعا سىيمادىڭ با، اعا،
سىيدىرسىن قايدان قاسىرەت؟!