بيلىكتى سۇيمەيمىن

بيلىكتى سۇيمەيمىن
قازاقتى سۇيمەيتىن،
ەمىرەنىپ تەگىنە تارتپاعان،
ءاپايتوس ۇلىنا جارمەڭكە تاشكىسىن سۇيرەتىپ،
كۇنكورىس وتىنا قاقتاعان.
انامنىڭ سۇتىنەن جارالعان
يبالى ءتىلىمدى كەسىپ اپ،
يۆاننىڭ استىنا تاپتاعان.

بيلىكتى سۇيمەيمىن
قازاقتى سۇيمەيتىن...
ساياسات مايىنا سانامدى قۋىرىپ،
قوس كوزى قىزارعان.
وبالىم – ولاردىڭ ويىنشىعى
ويناسىن شىققانشا قۇماردان.
جامباسىم سياتىن جەر قيماي،
جالعانعا كەلەتىن جالعىز-اق مۇردەمدى
مۇجىقتىڭ ۇيىنەن شىعارعان.

شارام نە؟!
وسىنىڭ بارلىعى تىم ازداي،
قايعىما جاماعان ءجۇز وكپە.
بۇل ءداۋىر ۇيقىدا،
مۇمكىن ول مەڭىرەۋ تۇنەكتە،
قاتىگەز قوعامنىڭ قاپ-قارا بوياۋىن
شيمايلاۋ تىم اۋىر جۇرەككە.