گەرونتوكراتيا

گەرونتوكراتيا
(نەمەسە ارىلۋ)

بۇكىل باۋىرلارىما ارنايمىن...

مەن دۇنيەگە كەلگەندە پەرىشتە ەدىم...
كەيىن، ەسەيە كەلە
جالعان سويلەۋدى،
شەكپەنگە كۇيلەۋدى،
شىندىقتى تاپتاۋدى،
ءالسىزدى قورلاۋدى
...«اسىل اعالارىمنان» ۇيرەندىم.
ءاي، ۇلكەندەر، ۇلكەندەر،
اقساقال اتتارىڭا بولايىن،
...قايران، اعا دەپ ايتقان اۋىزىم،
اڭعال كوڭىلىم،
سەنگەن ءۇمىتىم،
جاستىق عۇمىرىم
...قور بولدىڭ؟!
راس، نە ايتا الدىم
ادىلەت جولىنان
ءوزىم دە شايقالدىم.
مەنىڭ دە قىلمىسىم
قاراكوك تەڭىزدەي
قۋلىعىم – ساحارا قۇمىنداي.
ابىز ادامنىڭ بەينەسىن سومداعان
اقساقال ءتارىزدى
اعالار سەكىلدى «كەمەڭگەر»
...كادىمگى ەكى اياق شايتانمىن.

شىبىن جان شىقپادى
ءبىر عۇمىر... دەرەكسىز،
ەندى ءوزىمدى بالايمىن ولدىگە.
ياپىراي...
ءبىر قۇدايعا دا
كۇيىگىم كەرەكسىز
...مەندەي سورلىنى كوردىڭ بە؟
كوڭىلى كىر،
قانى لاي
مەن بەيباقتى
اعا دەپ ايتپاڭدار، باۋىرلار
...ءتىپتى ءجون بە ەدى كورىسپەگەنىڭ؟!
الەم ءالميساحتان
جاپانى جاستاردان ەمەس
قارتتاردان شەككەن عوي،
شالداردان شەككەن عوي...
...قايران دا مەنىڭ قاناتى قىرقىلىپ
قور بولعان عاپىل پەرىشتەلەرىم.