دۇنيەنى يتتەرسىز ەلەستەتۋگە تىرىسۋ كەرەك...

دۇنيەنى يتتەرسىز ەلەستەتۋگە تىرىسۋ كەرەك...
(م.حايدەگگەر)

بۇل سۇرلەۋدى ءوزىم ءسۇيدىم وكىنبەن،
ارازدىعىم بولعان دا ەمەس ەشكىممەن.
ولەڭ جازۋ ورتكە ورانۋ
بىلسەم دە...
ءوز وتىما ءتۇستىم مەن.

عافۋ قىلعاي، كەشىرىڭدەر ۇلدارىم،
اتاق-مانساپ كۇتپە اكەڭنەن دەر ەدىم.
سەندەر ءۇشىن بولماس قورعان بىلەمىن
مەنىڭ ءالسىز،
تىم ءالجۋاز بەدەلىم.

بۇعان ەندى نە دەرىڭ بار ق ۇلىنىم،
اقيقاتقا شەكەر سەبۋ ارعا سىن.
مەن ءوزىمدى...
قىلدىم راس «باقىتسىز»،
اعالاردىڭ اقىلى ازداۋ بولعاسىن.