يممۋنيتەت

يممۋنيتەت
(ۇمتىل زارىققانعا)

مەن اداستىم،
قالجىرادىم بىلەمىن،
قارت قۇرلىقتى
قاعبا عىپ سورىما.
مىڭ عازالىم تاتىمادى ول راس،
قارا ولەڭنىڭ جالعىز تارماق جولىنا.

كىرلەگەن وي،
بۋلانعان ءسوز دەرت بولىپ،
شەل بوپ ءوستى كوزىمە.
سول «كوزقاراس» كەيدە ارقانعا اينالىپ
قول دا قاتتى وزىمە.

تەگىم دە جوق، ءسولىم دە جوق بۇل سوزدە
كوردەمشە ويدىڭ كوبى سودان ەلەس قوي.
سايتانشالىس، ساندىراقتاۋ جوقتى ايتىپ
مەندىك بولمىس ەمەس قوي.

الەم ورتاق...
زەردەم قايدا تۇركىلىك
ەگەي ەرگە مۇنىڭ ءجونى بولەك-تى.
مەن الەمدى تۇندىرامىن ىشىمە
ال، نەگە وعان جۇتىلۋىم كەرەك-تى؟!

قىڭىر كورىپ قازاقى ويدى ومىرگە
قولدان كەلسە مەنسىنبەدىك، قورلادىق.
سودان بولىپ كوگەردى مە كوسەگە،
كوردىڭىز بە ويلانىپ؟!

سوزدەن كەتتىم...
بۇزدىم ءسويتىپ بولمىستى
ەندى بۇدان «تاعدىر» جاساۋ تەك بولار.
مىڭ «دانىشپان» جات بولمىسقا تۇنشىعىپ،
و دۇنيەگە نەگە اسىعىپ كەتتى ولار؟!

... نەگە؟!