ماتريسا

ماتريسا
(سەرىكبول قوندىبايعا)

جاراتۋشى ونى جاراتار الدىندا
قالاي،
ءقايتىپ جاراتسام ەكەن دەپ
ويلاعاندىعىندا ەش ءشۇبام جوق.
ال...
ۇلى جارىلىس حيكاياسىن ايتپاعاندا
ۇلى قۇدايدىڭ ءوزىن
ءبىراز «ماشاقاتقا» سالىپ،
شايقالتىپ جىبەرگەندىگىندە كۇمان جوق.
ونىڭ كەلۋىن...
ءار جۋسان ۇشار باسىنا دەيىن ساعىنىپ،
قارا جەر بۋسادى،
توپىراق شولىركەپ،
ارۋاق اڭسادى،
تەڭىز تاعانىنا دەيىن تەبىرەنىپ،
...شەكسىز سۋسادى.
ۋاقىت پەن كەڭىستىك شەكاراسىن بۇزعان
اقىلى ايمەن،
كوڭىلى كۇنمەن كومكەرىلگەن
سول بوزداققا
قۇداي
جۇپارىن بۇركىپ،
شۋاعىن توكتى.
ول ءبىزدىڭ الدەقاشان كورىپ،
الدەقاشان ۇمىتقان
ىلكى ءتۇسىمىزدى
قايىرا جورۋ ءۇشىن
ءيسى ادامزات ءناسىلىنىڭ
ىلكى نۇكتەسىنە ءوتتى،
...تۇپكى تىنىنە جەتتى.
ول اباق تاڭباسىنداعى
ءولىم – ءتۇپسانا،
ءومىر – بەيسانا،
قيانات – ارام وي،
ءتۇس – ءوڭىمىز،
تاعدىر – ءوزىمىز دەگەن بەس پەشەنە جازۋدى وقىدى.
...ۇياتى – پىسكەن ءسۇت شىمىرىنان،
مۇراتى – پايعامبار ۇعىمىنان،
اشۋى – التى الاش كەگىنەن،
اقىلى – قىرىق شىلتەننىڭ دەمىنەن
جاراتىلعان سول شىركىن...
اق نوسەردەن كەيىنگى
كەمپىرقوساقتاي تۋدى دا
...كوپ تۇرمادى.