ءتورتتاعاندار

ءتورتتاعاندار

***
سىبىزعى سۇڭقىلى
كەۋدەمنەن كۇي ءورىپ.
سول ءۇننىڭ يسىنە
جانىم تۇر سۇيەنىپ.

***
قىركۇيەك قۇستاردى
اكەتسە كوتەرىپ...
تۇنىمەن شىعادى
جاپىراق جوتەلىپ.

***
ءوزىڭدى جارىعىم
كورگەن دە كەزىگىپ،
مەن تۇگىل كولەڭكەم
كەتەدى ەزىلىپ.

***
«ايەلدەن ەر ارتىق...»
ءسوز بە وسى اتالى؟
بولعاندا قايتەر ەك
ايەلدىڭ ساقالى.

***
ءسۇيىنشى، ءسۇيىنشى...
مۇنى ايتۋ مىندەتىم.
جۇرەكتەن تاۋىپ الدىم
جۇماقتىڭ سۋرەتىن.

***
«تاس عاسىر عاجايىپ
ءتاۋبادا مىڭ ساۋاپ...»
...ىلكىدە قاپ قويدى
ىشتەگى قۇمساعات.