سىڭسۋ

سىڭسۋ
«ەندى ەسەن بول جان اكە...»
(ۇزاتىلعان ارۋدىڭ ءسوزى)

بۇل اۋەندى ەش ەستىگىم كەلمەيدى
كەزىندە وسى اۋەن سازىمەن
ءتورت اپكەم كەتكەندى الىستاپ.
راسىندا...
تورتەۋى جۇرەتىن
سۋ بەتىن تولقىتقان اققۋداي قاسىمدا،
الىسقا كەتكەندە
سۇيەگىم جاسىدى،
تۇز تيگەن جاراداي
جۇرەگىم اشىدى.
...ەش كورگىم كەلمەيدى،
ءتۇبى ءبىر باسىما
ورالىپ كەلەرىن بىلسەم دە وسى كۇن.
كەيدە قامىرىق حال كەشەم...
ۇلدارىم تەزىرەك ەرجەتىپ،
ال قىزىم...
نازىگىم، كوركىم
سول ءسابي شاعىندا
ماڭگىلىك...
ماڭگىلىك، قالسا عوي شىركىن!

...شىركىن دەپ شانشيدى جۇرەك!!!