ءولىم

بەسىك پەن بەيىت ءبىر ۇعىم،
بەيىت تە سەنىڭ سىڭارىڭ.
الشاق دەپ استە ويلاما،
اراسى جاقىن ءبىر ادىم.
بەس كۇندىك مىنا جالعاندا،
ءتاڭىردىڭ ەسكەر سىناعىن.
جالعانمەن جانىڭ قوشتاسسا،
قارا جەر بولار تۇراعىڭ.
بەلىندە بولىپ بابامنىڭ،
جاتىرعا ءدان بوپ تاستالعام.
توپىراقتىق بولمىسقا ،
رۋح بولىپ ءتۇستىم اسپاننان.
ومىرگە كەلگەن قوناقپىن،
بەسىك پەن بەيىت – قوس دالام.
باراتىن جەرىم – قارا جەر،
ەكىنشى مەنىڭ باسپانام.