امانات

امانات
(ءاليحاننىڭ مونولوگى)

بالعا باسقا،
وراق ويعا تيگەلى،
ءبىر الاپات ورتكە وراندى جان ءىشى.
كەمەرىنەن دارياداي تولقىعان
قىزىل جالاۋ،
جالاۋ ەمەس قان ءيسى.

قىزىل تۇستەن جامىرايدى ەلەس بوپ،
قۇبا مەكەن،
قۇسني دوس تەل وسكەن.
سول «بەينەلەر» قۇتقار دەيدى قول بۇلعاپ،
اتتەڭ، شىركىن...
ەستىمەيدى ونى ەشكىم.

ەستىرتپەيدى
اۋىزىنان وت بۇركىپ،
تەسىك وكپە،
كارى كرەمل جوتەلىپ.
سودان كەيىن...
تەمىر توردا ءسوز ءولىپ،
كوزدەر قالدى شەل ىشىندە بىتەلىپ.

جۋسان كورسەڭ،
جۇپارىن جۇت دۇعا وقىپ،
باعزى ءبىر ءيىس بۇرقىراسىن وتكەننەن،
ءار تال جۋسان تاعدىرى عوي قازاقتىڭ،
كولدەي تۇنىق
كوز جاسىنا كوكتەگەن.

كوك تامىردان سۋالعانشا سوڭعى قان،
مەن قازاقتىڭ ازاتتىعىن سۋسادىم.
دوڭىز دەمى توپىراعىما تيمەسە،
دۇشپان كورمەي وسسە دەدىم ۇرپاعىم.

وسى سەرتتىڭ تۇبىندە تۇر شىن بايلام،
سول ءۇشىن دە
جولعا ءتۇستىم كوك تايعاق.
ازات تاڭنىڭ شاپاعىنا بويالعان،
ارماندادىم...
اسپان ءتۇستى كوك بايراق.


قيامەتكە جەتەر ءبىزدىڭ ەركىندىك،
وعان كۋا قىزىل قانىم توگىلگەن.
بۇل قازاققا ەندى ەشقانداي ءولىم جوق،
سەرت ەتەمىن
ماحشار تاڭنىڭ مورىمەن.

ەزدەن الاس،
اسقاق بولسىن عۇمىرىڭ،
ەل دەپ وتكەن ەردىڭ سويى بولەك قوي.
قۇدايعا دا قارايتىنداي قاسقايىپ،
ءبىر ءولىمىڭ
سۇلۋ بولۋ كەرەك قوي.

(قيعاش قويىپ قىرىنداتپا ءجۇزىمدى)،
ايتارىم سول...
ءبىر جۇك ءتۇسسىن ارقاڭنان.
ازات ەلدىڭ كوك اسپانىن كۇزەتىپ،
مەن جاتايىن...
جات قىزىڭدار شالقامنان.